రామాయణము అరణ్యకాండ -అరువదియైదవసర్గ

                                                 రామాయణము 

                                                     అరణ్యకాండ -అరువదియైదవసర్గ 

సీతాదేవి ఎడబాటు వలన మిక్కిలి కృశించి వున్న రాముడు లోకములను నాశనము చేయుటకై కోపముతో రగిలిపోసాగెను . అప్పుడు లక్ష్మణుడు "అన్నా !ఇచట ఉన్న ఆనవాళ్లను బట్టీ ఇక్కడ ఇద్దరు వీరులకు భీకర యుద్ధము జరిగినదని తెలుస్తున్నది . కానీ ఇచట ఆనవాళ్లు గమనించినట్లయితే ఇక్కడ నాశనమై పడిపోయిన వస్తువులన్నీ ఒకే వ్యక్తి కి సంబందించినవి . సైన్యము కూడా యుద్దములో పాల్గొనలేదని తెలియవచ్చుచున్నది . కావున ఒక్కడు చేసిన తప్పుకు లోకములను శిక్షించుట నీవంటి ఉత్తముడు చేయదగిన పనికాదు . 

నీవు ధనుర్భాణములు ధరించి సీతాన్వేషణకై కదులుము నేను నీకు తోడుగా ఉండెదను . మునులు మనకు సహాయము చేయుదురు . నీ ధర్మపత్నిని అపహరించి న దుష్టుడు దొరుకునంతవరకు ఈ సమస్త భూమండలమును ,పాతాళమును ,సముద్రమును వెతుకుదాము . నీవు న్యాయ బద్దముగా వెతికినను వదినగారు దొరకనిచో   నీవు కోరుకున్నట్టే లోకములను నాశనము చేద్దువుగాని "అని లక్ష్మణుడు పలికెను . 

 రామాయణము అరణ్యకాండ అరువదియైదవసర్గ సమాప్తము . 

                           శశి ,

ఎం.  ఏ ,ఎం . ఏ ,తెలుగు పండితులు

 

రామాయణము అరణ్యకాండ -అరువదినాల్గవసర్గ

                                 రామాయణము 

                           అరణ్యకాండ -అరువదినాల్గవసర్గ 

శ్రీరాముడు అటుల రోధించుచు ,తాను శోదించినను ,మరల తిరిగి లక్ష్మణుని గోదావరి నదీ తీరమునకు వెళ్లి ,సీతను వెతకమని చెప్పెను . లక్ష్మణుడు అచటకు వెళ్లి వెతికి అచట సీతాదేవి కనపడక పోవుటచే అదే విషయమును రామునికి విన్నవించెను . పిమ్మట రాముడు సీతకొరకై శోకించుచు ,"సీత ఎచటకు వెళ్ళినదో ఓ మృగములారా  చెప్పుము . ఓ వృక్షములారా చెప్పుము "అని బిగ్గరగా అరువగా మృగములన్నీ ఒక్కసారిగా లేచి దక్షిణ దిశగా పరిగెడుతూ మాటిమాటికీ రామునివంక  సీతజాడ చెబుతున్నావా అన్నట్లు చూచుచుండెను . 

అది గమనించిన లక్ష్మణుడు అన్నతో "అన్నా !ఈ మృగముల కదలికలను బట్టీ వదినగారు జాడ ఈ దిశగా వెళ్ళినచో తెలియునను అనిపించుచున్నది "అని పలికి ఇరువురు దక్షిణ దిశగా నడవసాగిరి . పిమ్మట రాముడు నేలపై పది వున్న పూరేకులను చూచెను . వాటిని గుర్తించిన రాముడు "లక్ష్మణా !ఈ పూరేకులు మీ వదినగారు ధరించినవే . వీటిని నేనే తెచ్చి ఆమెకు ఇచ్చితిని . "అని పలికెను . కొంత దూరము వెళ్లిన పిమ్మట విరిగి పడిపోయిన ధనస్సు ,కవచము ,రధము ,చనిపోయిన అశ్వములు ,మొదలగున్నవి కనిపించునేయు . వాటిని చూసిన రాముడు లక్ష్మణునితో "లక్ష్మణా !ఈ బంగారు ధనుస్సు ఎవరిదీ అయివుండును ? ఈ బంగారు కవచము ,విరిగిపోయిన రధము ,అశ్వములు ,మొదలగున్నవి చూచుచుంటే ,ఇద్దరు రాక్షసులు సీత కొరకై యుద్ధము చేసుకుని ఉండవచ్చునని అనిపించుచున్నది "అని పలికెను . 

పిమ్మట రాముడు ఎర్రబారిన కళ్ళతో మిక్కిలి క్రుద్ధుడై లక్ష్మనునితో "లక్ష్మణా !ఈ వృక్షములు కొండలు ,మృగములు నాకు సీతజాడ చెప్పుకున్నచో నేను ఈ సమస్త లోకమును నాశనము చేసెదను "అని పలుకసాగెను . 

రామాయణము అరణ్యకాండ అరువదినాల్గవసర్గ సమాప్తము . 

                          శశి ,

ఎం . ఏ ,ఎం . ఏ (తెలుగు ),తెలుగు పండితులు . 

                                            రామాయణము 

                                              అరణ్యకాండ -అరవదిమూడవసర్గ 

 

   శ్రీరాముడు సీతాదేవిని తలుచుకుని ఆమెకు ఎట్టి ఆపద వచ్చినదో అని భయపడుతూ మిక్కిలి రోదించసాగెను . లక్ష్మణుని తో సీతని తలుచుకుని బాధపడసాగెను . లక్ష్మణుడు ఎంత ఓదార్చుటకు ప్రయత్నించినను ఫలితము లేకుండెను . ఆయన బాధ హృదయవిదారకంగా ఉండెను . 

రామాయణము అరణ్యకాండ అరవదిమూడవసర్గ సమాప్తము . 

                               శశి ,

              ఎం . ఏ ,ఎం . ఏ ,తెలుగు పండితులు .                            

రామాయణము అరణ్యకాండ -అరువదిరెండవసర్గ

                                        రామాయణము 

                                       అరణ్యకాండ -అరువదిరెండవసర్గ 

శ్రీరాముడు సీతకొరకు అంతటా వెతికి వెతికి సీతా !సీతా !అని బిగ్గరగా అరుచుచు ఏడవసాగెను . పిమ్మట అతడు లక్ష్మణుని పట్టుకుని "లక్ష్మణా !సీతను రాక్షసులు చంపివేసి ఉండును . లేకుంటే ఆమె న ఎదుటికి రాకుండా ఇంతసేపు ఉండదు . లక్ష్మణా !సీత లేకుండా నేను బ్రతకజాలను .   నా మాట విని నువ్వు అయోధ్యకు తిరిగి వెళ్లు . అచటికి వెళ్లిన పిదప భరతుని కౌగలించుకుని అయోధ్యను పరిపాలించమని నా ఆజ్ఞగా చెప్పు . తల్లులని జాగ్రత్తగా చూసుకో . ముఖ్యముగా కౌసల్యా మాత ను జాగ్రత్తగా చూసుకో "అని పలికెను . 

రామాయణము అరణ్యకాండ అరువదిరెండవసర్గ సమాప్తము . 

                            శశి ,

ఎం .  ఏ (తెలుగు ),తెలుగు పండితులు .  

రామాయణము అరణ్యకాండ -అరువదియొకటవసర్గ

                                          రామాయణము 

                                          అరణ్యకాండ -అరువదియొకటవసర్గ 

శ్రీరాముడు చుట్టుపక్కల అంతయు వెతికి తిరిగి ఆశ్రమమునకు వచ్చెను . అచట చెల్లాచెదురుగా పది వున్నదర్భలు ,ఆసనములను చూసేను . అప్పుడు ఆ మాహానుభావుడు లక్ష్మణుని గట్టిగా పట్టుకుని "లక్ష్మణా !సీత ఏమయిపోయినది . రక్కసులెవరైనా ఆమెను భక్షించి ఉండునా ?లేక అపహరించివుండునా ?సుకుమారి ఆ రాకుమారి కి ఎట్టి కష్టము వచ్చినదో కదా !ఆమె ఎడబాటు నేను తట్టుకొనలేక మరణించుట తధ్యము . పిమ్మట నేను ఊర్ధ్వ లోకములకు వెళ్ళినచో అచట మన తండ్రి "నేను విధించిన 14 ఏండ్లు అరణ్యవాసము పూర్తిచేయకనే ఇలా వచ్చితివి " నన్ను ఛీ కొట్టుట తధ్యము . "అని పలికెను . 

అప్పుడు లక్ష్మణుడు అన్న ను ఓదార్చుచు "అన్నా !వదినగారికిఎత్తి అపకారము జరిగివుండదు . కంగారు పడకుము . మనిద్దరమూ కలసి వదినగారిని వెతుకుదాము .  అరణ్యములో పూలు కోయుటకో లేక స్నానము చేయుటకో ,విహారమునకో వదినగారు వెళ్ళివుండవచ్చు "అని చెప్పెను . అయినను రాముడు ఊరడిల్లక "లక్ష్మణా !మనము ఇప్పుడే అరణ్యమంతా వెతికినాము కదా !సీత జాడ లభించలేదు "అని దీనవధానుడై చుట్టుపక్కల కళ్ళతోనే వెతుకుచు నిస్సహాయుడై కంట నీరు ధారగా కారుచుండగా సీతా !సీతా !అని అరుచుచు ఉండెను . 

రామాయణము అరణ్యకాండ అరువదియొకటవసర్గ సమాప్తము . 

                         శశి ,

ఎం . ఏ (తెలుగు ),తెలుగు పండితులు .  

 

రామాయణము అరణ్యకాండ -అరువదియవసర్గ

                                                 రామాయణము 

                                                   అరణ్యకాండ -అరువదియవసర్గ 

శ్రీరాముడు సీతాదేవి కొఱకు ఆశ్రమము చుట్టపక్కలంతా బాగుగా వెదికినను ప్రయోజనము లేకుండెను . ఆ ఆశ్రమములో సీతాదేవి రావణుడి నుండి తప్పించుకొనుటకు పెనుగులాడినపుడు అచట ఉన్న దర్భలు .ఆసనములు అన్నీ చెల్లాచెదురుగా పడిపోయెను . ఆ ప్రదేశము శోభావిహీనముగా ఉండెను . అచటి వృక్షములు ,పుష్పములు అన్నియు సీతాదేవి లేకపోవుటచే వాడినట్లుగా ఉండెను . అట్టి ప్రదేశమును చూసి రాముడు మిగుల సోకించెను . 

"సీతను ఎవరైనా అపహరించుకుపోయారా ?చంపివేసిరా ?లేక నన్ను ఆటపట్టించుచున్నదా ?ఎవ్వరితోడు లేకుండకపోవుటచే భయపడి వనములలో తిరిగుచున్నదా ?పూవులను ,పండ్లను సేకరించుకొనుటకు ఎచటికైనా వెళ్ళినదా ?స్నానార్ధమై సరస్సుకి వెళ్ళినదా ?జలములు తెచ్చుటకై నదికి వెళ్ళినదా ?"అని పరిపరి విధములుగా రాముడు ఆలోచించుచువుండెను . సీతాదేవి కనపడక పోవుటచే శోకముచే ఆయన కండ్లు ఎరుపెక్కేను . పిచ్చివాని వలె చెట్లు వెంట పరుగెట్టసాగెను . 

కనపడిన ప్రతి చెట్టును సీతజాడ చూసితిరా అని ప్రశ్నించసాగెను . కనపడిన ప్రతి మృగమును సీతాదేవి ఆచూకీకై అడుగసాగెను . కానీ ఫలితము శూన్యము . ఆయన సీతాదేవి వృక్షముల వెనక దాగుకుని ఆటపట్టించుననుకొని "వృక్షముల వెనక దాగుకొని నన్ను ఆటపట్టించినది చాలు ఇక బయటకు రా "అని పిలువసాగెను . కానీ సీతాదేవి రాకపోవుటచే "సీతాదేవిని రాక్షసులు భక్షించి ఉండును . కావునే ఆమె కనిపించుటలేదు "అని భావించెను . శ్రీరాముడు ఆవిధముగా విశాలమైన దట్టమైన అడవులలో పరిగెడుతూ మిక్కిలి అలసిపోయెను . అయినప్పటికీ సీతాదేవిని వెతుకుతూ పిచ్చివాని వలె తిరుగసాగెను . 

రామాయణము అరణ్యకాండ అరువదియవసర్గ సమాప్తము . 

                                శశి ,

ఎం .ఏ (తెలుగు ),తెలుగు పండితులు . 

రామాయణము అరణ్యకాండ -ఏబదితొమ్మిదవసర్గ

                                                      రామాయణము 

                                                     అరణ్యకాండ -ఏబదితొమ్మిదవసర్గ 

శ్రీరాముడు లక్ష్మణునితో పదేపదే సీతాదేవిని వదిలివచ్చినందుకు పరుషముగా మాట్లాడసాగెను . అప్పుడు లక్ష్మణుడు అరుపులు విని సీతాదేవి భయపడి లక్ష్మణుని సహాయముకై వెళ్ళమనుట ,లక్ష్మణుడు అంగీకరించకపోవడంతో సీతాదేవి పరుషముగా మాట్లాడుట ఆ మాటలు తట్టుకోలేక లక్ష్మణుడు రాముని వద్దకు బయలుదేరుట మొదలైన వృత్తాంతమును అంతయు శ్రీరామునికి తెలిపెను . అయినను శ్రీరాముడు లక్ష్మణుని "మీ వదినగారు తెలియక అటుల మాట్లాడినప్పటికీ నీవు ఆమెను విడిచి రాకుండా వుండవలసినది "అని పలికెను . 

రామాయణము అరణ్యకాండ ఏబదితొమ్మిదవసర్గ సమాప్తము . 

                           శశి ,

ఎం . ఏ (తెలుగు ),తెలుగు పండితులు .