ఉగాది
తెలుగు వారి నూతన సంవత్సరాదిని ఉగాది అంటారు . నిజానికి ఇది యుగాది (యుగ +ఆది ). ఉగాది ప్రతీ సంవత్సరం చైత్ర శుద్ద పాడ్యమి రోజున వస్తుంది . ఈ సంవత్సరం చైత్ర శుద్ద పాడ్యమికి వచ్చు ఉగాదితో దుర్ముఖి నామ సంవత్సరం ప్రారంభమవుతుంది .
నూతన సంవత్సర ఆరంభ కాలంలో వాతావరణం అంతా ఆహ్లాదంగా ,చెట్లన్నీ పూలు ,పళ్ళు తో ఎంతో రమణీయముగా,కోకిలల కూతలతో ,పచ్చని పంట పొలాలతో వసంత శోభతో చాలా మనోహరంగా వుంటుంది . ఇటువంటి మనోరంజక పరిస్థితులు సుఖ ,సంతోషాలకు ,శుభాలకు ప్రతీకలు . ఇటువంటి అద్భుతమైన వాతావరణంలో ప్రారభమైన సంవత్సరంలో జనులంతా కుడా సుఖ సంతోషాలతో వుంటారు .
ఉగాది రోజున తెల్లవారుజామునే లేచి ఉదయం 5. 30లోపు నువ్వులనూనెతో తలంటు పోసుకోవాలి . నుదుటన బొట్టు దరించి నూతన వస్త్రాలు ధరించాలి . తరువాత సుర్యభగవానుడికి నూతన సంవత్సర సంకల్పం చెప్పుకుంటూ పుష్పాంజలి ,అర్గ్యము ,దీపం దూపం సమర్పించాలి . వేప పూత పచ్చడిని విధిగా అందరు తినాలి .
వేప పూత పచ్చడి షడ్రుషులతో తయారు చేస్తారు . జీవితంలో ఒక్క సుఖాలు మాత్రమె కాకుండా అన్ని రకాలు (కష్టాలు ,బాదలు సరదాలు బాద్యతలు . . . . . . . . . . . . . ) వుంటాయి . వాటిని కుడా ఆస్వాదించాలి దైర్యముగా ఎదుర్కోవాలి ఇదే ఉగాది పచ్చడి లో రుచుల అంతరార్దం . ఉగాది పచ్చడిలో మామిడి చిగుళ్ళు అశోక చిగుళ్ళు కుడా వెయ్యాలి . అల వేసినట్లయితే దానిని "నిమ్బకుసుమం "అంటారు .
శతాయు ర్వజ్ర దేహాయుహు సర్వ సంపత్కరాయ చ
సర్వారిష్ట వినాశాయ ,నింభ కుసుమ భక్షణం .
నింబ కుసుమం తినడం వల్ల నూరు సంవత్సరాల ఆయుర్దాయం , దృడమయిన దేహము కలిగి సర్వ అరిష్టాలు నాశనము అయి అంత శుభం జరుగుతుంది అని పై శ్లోకార్ధము .
త్వామష్ట శోక నరాభీష్ట !మధు మాస సముద్భవ !
నిభావి శోక సంతాప్తాం మమ శోకం సదా కురు
అనగా జీవితంలో శోకాలతో భాదపడుతున్న నేను ఓ అసోకమా !నిన్ను సేవించుచున్నాను . మధు మాసం(వసంతం ) లోచిగురించిన అశోకమా !నీవు నాకు శోకములు లేకుండా (అ +శోకము ) చేయుదువు గాక !అని అర్ధము . అశోక వృక్షములో అట్టి దివ్య శక్తి కలదు .
పంచాగ శ్రవణం ;
ఉగాది రోజున దేవాలయములలో పంచాంగ శ్రావణము చేస్తారు . పంచాంగ శ్రావణము వినుత వలన తిది వలన సంపదయు ,వారము వలన ఆయుష్య ము ,నక్షత్రము వలన పాప పరిహారము యోగము వలన వ్యాధి నివ్రుత్తియు ,కరణము వలన కార్యానుకూలము కల్గును . అంతేకాక రాజాధి నవ నాయకుల యొక్క గ్రహ ఫలితాలను వినుట వల్ల గ్రహ దోషములు నివారణ అయి ,విను వారికి ఆరోగ్యము ,ఆయుష్షు ,సంపదలు ,శుభ ఫలితాలు కలుగుతాయి .
ఉగాది రోజున మన సంప్రదాయాలను పాటించి భావి తరాలకు వాటి గొప్పదనాన్ని తెలెయ చెప్పుదాం .
ఉగాది లానే ప్రజలందరి జీవితం అంతా సుఖ సంతోషాలతో నవ వసంతం లా సాగాలని మనస్పూర్తిగా కోరుకుంటూ
No comments:
Post a Comment