రామాయణము
ఉత్తరకాండ --------మూడవసర్గ
పులస్త్యుని సుతుడైన విశ్రవసుడు కూడా అచిరకాలంలోనే తండ్రివలె తపోనిష్ఠ కలవాడయ్యెను . భరద్వాజముని ఇతనియొక్క సత్ప్రవర్తన గురించి తెలుసుకొని తనకుమార్తె అగు దేవర్ణిని ని అతడికి ఇచ్చి పెళ్ళిచేసెను . వీరికి
మిక్కిలి శక్తీ సంపన్నుడు ధర్మజ్ఞుడు అయినా ఒక కుమారుడు జన్మించెను . అప్పుడు పులస్త్యుడు తన దివ్యదృష్టితో చూసి ' ఇతడు దానాధ్యక్షుడు కాగలడు అని భావించి వైశ్రవణుడు అనే పేరుపెట్టెను . ప్రశాంతమైన ఆశ్రమ వాతావరణము పెరిగిపెద్దవాడైన వైశ్రవణుడు అక్కడే వేయి సంవత్సరములు పాటు తపస్సు చేసెను . ఆ గోర తపస్సుకు సంతృప్తుడై బ్రహ్మ దేవుడు ఇంద్రాది దేవతలతో సహా వైశ్రవణుడికి ప్రత్యక్షమై " వత్సా ! నీవు చేసిన తపస్సుకు నేను సంతుష్టుడను అయ్యెను . వారములు కోరుకో " అని పలికెను . అప్పుడు వైశ్రవణుడు " పూజ్యుడా నన్ను లోకపాలకునిగా అశేషనిధులకు అధిపతిగా చేయుము . " అని పలికెను . అప్పుడు సంతోషముతో బ్రహ్మదేవుడు వత్సా ! యముడు , ఇంద్రుడు, వరుణుడు , అను వారితో సమానముగా నీవు కోరుకున్న లోక పాలత్వమును అనుగ్రహించుచున్నాను . ధర్మగ్యా దీనితో పాటు ధనాధ్యక్షతను కూడా స్వీకరించుము . నాయనా ఇక్కడ గల ఈ విమానము పేరు పుష్పకవిమానము . దీనిని నీవు సంచరించుటకై ఇచ్చుచున్నాను . నేటి నుండి నీవు దేవతలతో సమానుడవి అవుతావు . నీకు శుభమగుగాక . " అని పలికి తమ లోకములకు వెళ్లెను .
అప్పుడు వైశ్రవణుడు తండ్రితో " తండ్రీ ! బ్రహ్మదేవుని వలన నాకు ఇష్టమైన వరములను పొందితిని కానీ ఆ పితామహుడు నాకు నివాసమును మాత్రము చూపలేదు . మహాత్మా ! ఏ ప్రాణికి ఎట్టి భాధా లేని ప్రశాంతమైన ప్రదేశమును నాకు తెల్పును " . అని పలికెను . అప్పుడు విశ్రవసుమహర్షి " నాయనా! దక్షిణ తీరమున త్రికూటము అను పర్వతము కలదు . ఆ గిరిపై విశాలమైన రమ్యమైన , లంకా నగరము కలదు . రాక్షుసులు నివసించుటకై విశ్వకర్మ దానిని నిర్మించెను . అక్కసి రాక్షసులు విష్ణువు వలన భయకంపితులై పాతాళమునకు పారిపోవుటచే , అది కాలిగా ఉంది . కావున అక్కడ నీవు హాయిగా ఉండవచ్చును . " అని పలికెను .
తండ్రి వచనములు విని వైశ్రవణుడు లంకా నగరములో నివసించ సాగెను వేలకొలది యక్ష రాక్షసులు ఆయనను సేవించసాగిరి ధనాధ్యక్షుడైన వైశ్రవణుడు ( కుభేరుడు) తన తల్లి తండ్రులను దర్శించుటకై అప్పుడప్పుడు పుష్పకవిమానముపై వెళ్లివచ్చుచుండెడివాడు . ఆ ధనాధిపతిని దేవతలు, గంధర్వులు ప్రశంసించుచుండెడివారు . అతని భవనము నిరంతరము అప్సరసల నృత్య విలాసములతో విరాజిల్లు చుండేది .
No comments:
Post a Comment